శపథం చేసిన మోడీ ...అందుకే మోడీ కారణజన్ముడు

inner-page-banner

శపథం చేసిన మోడీ .. దాన్ని నిరవేర్చుకొని అయోధ్య లో 28 ఏళ్ల తర్వాత అడుగుపెట్టబోతున్నాడు .. అందుకే మోడీ కారణజన్ముడు

మరో చారిత్రక ఘట్టానికి అయోధ్య సాక్షీగా నిలవనుంది. మరి కొన్ని గంటల్లో జరగనున్న రామమందిర నిర్మాణ భూమి పూజకు ఏర్పాట్లు పూర్తయ్యాయి. ఈ మహాయజ్ఞ‌ం కోసం అయోధ్య నగరం సర్వాంగ సుందరంగా ముస్తాబయింది. రామమందిర శంకుస్థాపన ప్రధాని నరేంద్ర మోదీ చేతులమీదగా జరగనుంది. మూడు అంతస్తుల రాతి కట్టడంలో గోపురాలు, స్తంభాలతో 161 అడుగుల ఎత్తులో ఆలయాన్ని నిర్మించనున్నారు. ఇకపోతే, అయోధ్యలో 28 ఏళ్ల తర్వాత ప్రధాని నరేంద్ర మోదీ అడుగు పెట్టబోతున్నారు. రామమందిర ఉద్యమంలో ఓ పాల్గొన్న మోడీ , తర్వాత తిరంగా యాత్రలో భాగంగా 1992 జనవరి 18న అయోధ్యకు వెళ్లారు. సరిగ్గా 28 ఏళ్ల కిందట అయోధ్యలో అడుగుపెట్టిన మోదీ.. రామ్ లల్లాను దర్శించుకున్నారు. అప్పుడు ఆయన అన్న మాటలే నిజమయ్యాయి. తాను ఆలయం నిర్మించే సమయంలో మరోసారి వస్తానని, అప్పటివరకు అయోధ్య కి మళ్లీ రానని శపథం  చేశారు. నాడు మోదీ చేసిన శపథం నెరవేరబోతోంది. రామాలయానికి ఆయన చేతులమీదుగానే నేడు భూమి పూజ జరగబోతుంది.

జమ్మూకశ్మీర్‌కు ప్రత్యేక హోదాను కల్పించే ఆర్టికల్ 370ను రద్దు చేయాలంటూ కన్యాకుమారి నుంచి నరేంద్ర మోదీ ‘తిరంగాయాత్ర’ను ప్రారంభించారు. అక్కడి నుంచి వివిధ రాష్ట్రాల మీదుగా యాత్రను కొనసాగించిన మోడీ.. జనవరి 18న ఉత్తరప్రదేశ్ చేరుకున్నారు. ఫైజాబాద్ సమీపంలోని ఓ మైదానంలో భారీ బహిరంగ సభను నిర్వహించారు. ఈ కార్యక్రమానికి అప్పటి బీజేపీ అధ్యక్షుడు మురళీమనోహర్ జోషి హాజరయ్యారు. ఆ మర్నాడు జోషితో కలిసి అయోధ్యలోని బాల రాముడిని దర్శించుకున్న మోదీ మీడియాతో మాట్లాడుతూ శ్రీరాముడి ఆలయం నిర్మించే సమయంలో మరోసారి అయోధ్య వస్తానని చెప్పినట్టు సీనియర్ జర్నలిస్ట్ మహేంద్ర త్రిపాఠి అన్నారు. ఇకపోతే , అయోధ్యలో దాదాపు 3,500 మంది పోలీసులు భద్రతా విధులు నిర్వర్తిస్తున్నారు. ప్రధాని పర్యటన నేపథ్యంలో కట్టుదిట్టమైన ఏర్పాట్లు చేశారు. ఎస్పీజీ కమాండోలు ఆలయ పరిసర ప్రాంతాలను తమ ఆధీనంలోకి తీసుకున్నారు. మరోవైపు, కేవలం 175 మందికి మాత్రమే ఆహ్వాన పత్రికలు పంపగా.. వీరు మాత్రమే శంకుస్థాపనకు హాజరుకావాలని అధికారులు సూచించారు. కరోనా కారణంగా ఈ కార్యక్రమానికి ఎక్కువ మందిని అనుమతించడంలేదని అయోధ్య జిల్లా ఎస్ఎస్పీ దీపక్ కుమార్ అన్నారు. ఇక మోడీ షెడ్యూల్ ను ఒకసారి చూస్తే ..  ఉదయం 9.30 గంటలకు ఢిల్లీ నుంచి బయలుదేరనున్న ప్రధాని నరేంద్ర మోదీ.. 11.30 గంటలకు లక్నోకు చేరుకుంటారు. అక్కడ నుంచి అయోధ్యకు చేరుకుని, రామజన్మభూమి ప్రాంతానికి మూడు కిలోమీటర్ల దూరంలో ఉన్న హనుమాన్‌గఢి వద్ద తొలుత ప్రార్ధనలు నిర్వహిస్తారు. భూమిపూజ కార్యక్రమం 12.30-12.45 గంటల మధ్య ముగియనుంది. 

You can share this post!

న్యూస్ లెటర్

తాజా ట్వీట్లు

//audio from youtube